--------------------------------------------------------------------------------
أشتاق ثمّ اشتاق واشتاق واشتـاق
يا ملهب(ن) شوقي بروعة شعورك
..
قلبي لهمسك يا اعذب احساس توّاق
الله.. لايحـرم خفوقـي حضـورك
..
أكتب لك آآحبّك على بيض الاوراق
من عقب يضْوِيها فـؤادي بنـورك
..
ياللي حروفك تنسكب وسط الاعماق
وأقرا المحبة في طلاسم سطـورك
..
روحي معك يا خافقي دوم باعنـاق
أتقبلّـك واشتـمّ ريحـة زهـورك
..
قلبي من البـارح بعالمـك مافـاق
يهيم فيـك وكـل مابـي يـزورك
..
اكليل حب.. اكليل لهفـه وأشـواق
لروعة احساسك وزاهي عطـورك
..
هالصبح ياخذ من محيّاك الاشـراق
ماحلاه صبحي لارتوى من شعورك
موضوع: قلبي لهمسك يا اعذب احساس توّاق.. 
19/4/2008, 5:50 pm
