جراح ويوسف أصدقااء من زمان
وتعرفون المواقف اللي تصير بين الاصدقااء
بس هالمرة الموقف اللي سواه يوسف فـي جراح
موقف ضيع حياة (( جراح ))
خلونا نشوف أحداث هالقصة مــع بعض .. ..
**********
جراح كان داخل الشات بــ نك (( أدور على حب )) والحبيب داخل جو مو طبيعي
وطايحله سوالف مع بنات خلق الله
إتصل عليه صديقه يوسف ودار بينهم هالحوار
جـــراح : ألووو
يوسف : ألووو هلا والله جراحووو
جـــراح : هلا فيك حبيبي .. ها خير آمرني
يوسف : و ش آمرني .. ! تصرفني أنت و وجهكـ
جـــراح : لا والله بعد عمري إنت بس آنا منهمك بالشات بناات مو طبيعيات ,,, يويسف وناسة
يوسف : ممم طيب وش نكك .. ؟
جـــراح : ليش بتدخل علي .. ؟
يوسف : لا والله آنا وين والشات وين خبرك عتيق ما قمت أدخل زهقت منه
جـــراح : ممم والله آنا نكي (( أدور على حب )) تعرف يمكن أصيدلي رمااانة من هالفواكه الموجودين بالشات
يوسف : أي رمان وأي فواكة .. ! حبيبي هذول بنات مو خضرة لوووووووووول
جـــراح : هههههااااااااااي
يوسف : أوكي حبيبي آنا ماشي الحين بروح أنام تامرني على شي .. ؟
جـــراح : لا قلبي سلامتك نومة العافيه انشالله
يوسف : الله يعافيك .. تصبح على خير
جـــراح : وإنت من أهل الخير
يوسف : باااي
جـــراح : بااايااات
طبعا يوسف مافيه النوم وأصحى مني ومنكم بس أهو مجهز موقف ودقه محترمة حق صـآآحبهـ جراح
يوسف دخل الشات ودخل بـ نك (( أبي واحد يحبني ))
يعني منتحل شخصية بنية
وقعد ينتظر وينتظر وياكل شيبس و بيبسي
لما دخل عليه نك (( أدور على حب )) فــــــــــرح
جراح المسكين ما يدري على باله بنيه
ودار بينهم هالحوار
جـــراح : مساء الخير
يوسف : مساء النور ياهلا
جـــراح : شلونك شخبارك
يوسف : الحمدلله زينة .. وإنت شلونك
جـــراح : آنا بخير دامك بخير
يوسف : دوم انشالله مو يوم
جـــراح : تسلمين ما تعرفنا عليك يا حلوة
يوسف : معاك شيماء وإنت .. ؟
جـــراح : عاشت الأسامي .. معاك جراح
يوسف : عاشت أيامك .. الله إسمك يهبل مرة حلو ستاااااااااايل
جـــراح : تسلمين من ذوقك .. مادري شلون بنام اليوم
يوسف : لا آنا قلت إسمك يهبل مو إنته .. وبعدين تنام ما تنام كيفك
جـــراح : أووو ليش كذا تكسرين خااطري .. آنا زعلت خلاص
يوسف : آسفة
جـــراح : لا كلا واحد .. شيماء كمـ عمركـ .. ؟
يوسف : 18 وإنت ؟
جـــراح : 19
يوسف : العمر كله .. الله إنته أكبر مني
جـــراح : طبعا طبعا .. يالله روحي سويلي بيض بـطماط بسرعة
يوسف : يوووهـ حدك واثق
جـــراح : طبعا واثق .. شيومه شلون الشات معاك اليوم .. ؟
يوسف : يعني .. وبعدين تعال ليش تدلعني .. ؟ من عطاك الحق
جـــراح : تنساني وتروح وحده وحده حتى أستوعب كلامك والجروح
يوسف : صدق سخااافة
جـــراح : شيومة شيومة
يوسف : هلا خير
جـــراح : لا بس قاعد أجرب الكيبورد .. لوووووووووول
يوسف : لوووووووووول .. تصدق عاد إنت تهبل تونس مرررة .. شكلك ما تحب ولا جربت الحب
جـــراح : لا والله ما صار نصيب وبعدين مافيه اللي تستاهل أحبها
يوسف : إي والله صادق .. بس في بنات شحلاتهم يهبلون وأخلاقهم مررة حلوه
جـــراح : إي شيومة في بس قتلك للحين ما صار نصيب
يوسف : إنت مشالله عليك روحك حلوه تضحك وتونس الله يخليك لـ أهلك
جـــراح : صدقـ .. ؟
يوسف : إي والله صدق .. آنا ما حب أجامل أحد
جـــراح : بعد عمري والله
يوسف : وشو.. ؟
جـــراح : آسف إطلعت عفويه من غير قصد
يوسف : لا عادي
جـــراح : ممم أنا ما أشوفكـ تضحكين واجد .. ليش .. ؟
يوسف : إي والله صادق آنا ما أَضحك واجد حياتي تعاسه بتعاسه
جـــراح : أفا ليش .. ؟
يوسف : إنت لما قلتلي بعد عمري آنا مررة استانست بس ما حبيت أبينلك .. آنا محد يقولي
مثل هالكلام .. أهلي بالبيت يعاملوني كأني خدامه مو بنتهم
جـــراح : كل هذا فيك
يوسف : وأكثر من كــذا !!
جـــراح : تصدقين ودي أسمع منك سوالفك ما تنمل بس آنا الحين لازم أروح .. ممكن طلب ..؟
يوسف : تفضل
جـــراح : ميخالف أضيفك عندي بالإيميل هذا إذا ما عندك مانع
يوسف : والله مادري شقولك .. آنا ما أضيف شباب عندي
جـــراح : بس آنا مو من هالشباب وإنشالله ما تشوفين مني إلا كل خير
يوسف : أدري .. وإنت مبين عليك ولــد طيب وآنا بضيفك وإنشالله ما أشوف منك قاصر
جـــراح : لا إنشالله ما تشوفين مني إلا كل خير
يوسف : عطني إيميلك وآنا أضيفك
جـــراح : أوكي هذا إيميلي .......... متى تضيفيني .. ؟
يوسف : إنشالله الحين
جـــراح : أوكي آنا طالع الحين تامريني على شي .. ؟
يوسف : سلامتك
جـــراح : أشوفك على خير إنشالله .. مع السلامه
يوسف : الله يسلمك
**********
((فلم)) يوسف مشى على جراح المسكين
وجراح عاش بوهم
ويوسف ما تاب صار يسولف مع جراح كل يوم بالماسن
وطبعا يوسف للحين منتحر شخصية شيماء
وجراح المسكين عاش بأجواء الحب وتولع بشيماء
وطلب يشوف صورتها
والثعلب يوسف مضبط شغله
حط حق جراح صورة بنية حاطه شيله على راسها وهالبنيه حلوه مررة
وجراح لما شاف الصوره
لا ليلهـ ليل *** ولا نهارهـ نهار
خلاص إنفجر
الحب سيطر عليه من كل مكان
وصار ينفذ أوامر شيماء أقصد >> يوسف
وهالدقه اللي مسويها يوسف تتوقعون كم إستمرت .. ؟
ســـــنـــــة كـــــامـــــلـــــة !!
يوسف للأسف ما مل من هاللعبه
سبحان الله
جراح يبكي وما ينام الليل من كثر الشوق واللهفه والحنين اللي فيه
وينتظر متى يصير باكر عشان يسولف مـع شيماء
أقصد الوهم
ويوسف الله يسامحه
ميت من الضحك عليه
**********
يوسف قام يحلي اللعبه
صار ما يشبك
وطبعا جراح المسكين قام يخااف ويرسل إيميلات
ويوسف ميت ضحك
جراح صار واحد ثاني
ما يطلع من بيتهم
قااعد بــ غرفته
يتخيل صورة شيومه حبيبته
يتخيل سوالفها
دلعها
روحها الحلوه
ويبجي ويبجي
**********
بعد شهرين
شبك يوسف
وجراح طار من الفرحة
قال حق شيوم ليش ما تشبكين .. ؟
وشرحلها شوقه وحنينه
وقاموا يسولفون
جراح ما قدر يصبر
قال حق شيوم أبي رقمك بكلمك بالتلفون
شيوم إرفضت تدرون ليش .. ؟
لأن صوتها خشن
لوووووووووول
اللي هو صوت يوسف هالتعبان اللي ما يستحي
فقررت شيوم إنها تواعد جراح
ودار بينهم هالحوار
جـــراح : حياتي يعني الحين شلون ماراح أسمع صوتك .. ؟
يوسف : حياتي لا تزعل روحك كذا .. أنا عندي فكرة
جـــراح : وشي .. ؟
يوسف : شرايك تشوفني .. وبكذا راح ناخذ على بعض أحسن من التلفون بألف مرة
جـــراح : صآآدقة إنتي .. ؟
يوسف : إي والله من صادقة
جـــراح : الله وناااااااااااسة
يوسف : وآنا وش أبي غير وناستك يا بعد عمري
جـــراح : حياتي والله .. طيب شيومتي أي مكان راح أشوفك فيه .. ؟
يوسف : ممم شوف الساعة 9 بالليل بالحديقة وش رايك ؟؟
جـــراح : أووكي بس شنو راح تلبسين .. ؟
يوسف : ممم راح اكون لابسه شيله ونقاب وعبايه
جـــراح : وي وي وي ليش كل هالعذاب .. ؟
يوسف : حياتي عشان ما أبي احد يشوفني
جـــراح : أوكي حياتي ..
جراح طبعا ما يحتاج أوصفلكم شعوره
الأخ المسكين راح الصالون ما خلا شي ما سواه بوجهه
صنفرة وتنظيف بشرة وحلق وظبط شغله وكشخ
وراح الحديقه الساعه 5
ينتظر الساعه 9 عشان يشوفها
مسكين كل هذا حب .. ؟
قاعد ينتظر وينتظر
وأخونا الشيطون الثاني يويسف
رايح سوق النسيم يشتري جلابية وعباية وشيلة ونقاب
قرب الموعد
يوسف لبس الجلابية وتعطر
ولبس الشيله والنقاب والعبايه
والأخ يعني صايد الحركة
راح كحل عينه
هههههههههههههااااااااااي
صارت الساعة 9 بليل
راح يويسف الحديقه وقعد بالكرسي
نزل جراح من السياره وغرق روحه بالعطر المسكين
دخل الحديقه وقام يدور على وحده منقبه وعبايه
لقاها قاعده آخر شي
قرب صوبها
وبدأت ساعة الصفر
طبعا يوسف ما خلا عسل ما شربه عشان ينعم الصوت
ومشت على جراح لعبة الصوت
لأنه منهمك بالحب ولا ركز على هالشغلات
ودار بينهم هالحوار
جـــراح : هلا
يوسف : هلا بــك
جـــراح : إنتي شيوووم .. ؟
يوسف : إي آنا ما عرفتني
جـــراح : لا أعرفك بس حبيت أتأكد
يوسف : والحين تأكدت .. ؟
جـــراح : إي بعد عمري تأكدت
يوسف : واااي على هالحجي الحلو
جـــراح : سمعيني شيوم آنا أموت فيك أحبك مرررة
ومررة مستعد أذبح روحي عشانك
يوسف : بعد عمري لا تقول تذبح روحك .. بسم الله عليك
جـــراح : حياتي تكفيـن بكلمك بالتلفون
يوسف : آنا ودي أكلمك بس ماقدر ماقدر
جـــراح : ليش .. ؟
يوسف : تلفوني مافيه رصيد .. !!
جـــراح : لا يا عمري آنا راح أتصل عليك مو إنتي
يوسف : حياتي إنتا ما تقدر تتصل علي لأن خطي مصفر مافيه ولا هلله وراح يطلعلك
(( ان الهاتف المطلـــوب ... ))
جـــراح : أوكي خلاص اليوم روحي إشتريلك كرت شحن .. وعبيها
يوسف : من وينلي فلوس .. ؟
أبوي ما يعطيني ولا أمي مادري وش فيهم علي هالأيام ؟
جـــراح : ولا يهمك حياتي دقايق بروح أشتريلك كرت شحن
يوسف : لالا مابي أكلف عليك
جـــراح : لا عمري لا كلافة ولا شي و إنتي مني وفيني
راح جراح يشتري كرت شحن لــ شيوم
وطبعا الأخ الفاضل يويسف
رفع النقاب
يبي يمسح العرق
قام يستنشق الهواء
وأهو ميت ضحك
شاف جراح جاي من بعيد
غطا وجهه
وصل جراح
ودار بينهم هالحوار
جـــراح : خذي عمري هذا الكرت
يوسف : وي وي بعد عمري مشكور ما قصرت
جـــراح : أفا عليك كم شيومه عندي
يوسف ما قدر يستحمل
فصخ النقاب والشيله
وشوفوا شصار
جـــراح : يو يوس يوس يو يوسس يوسف .. ؟
يوسف : كاااااااااااااااااااااااااااااااك يالخرووووووووووووووووووووووووووووووف
*********
شنو تتوقعون موقف جراح ..؟
من بعد القصة اللي عاشها والسنة اللي أخذها بالحب والشوق والحنين
لشيماء اللي إطلعت وهم
وهالحب الوهمي اللي بناه وفكر إنه يوصل للزواج
كان لعبة من صــآآحبهـ
جراح إنصدم وظل واقف بمكانه ما يتحرك
رجوله تهتز مو قادرهـ تشيله لما طاح وأغمى عليه
يوسف خاف على جراح وشاله ووداه المستشفى
وللأسف جراح جا له إنهيار عصبي وصار مجنون وبيــ ظل طول عمره بالمستشفى
ظاعت حياة جراح ظاعت
ولو كانت شيماء حقيقة كان شفتوا حياة جراح
أحلى حياة لأن هالولد نيته شريفة وحب من قلبه
ويوسف كثر ماكان يضحك على جراح
صار يبكي ويبكي ويبكي
وحلف إنه ما يسامح نفسه طول عمره
لكن بعد شنوو .......... ؟؟
موضوع: (واحد مسوي في صديقه مقلب في الشات شوفوا شنو صار له) 
13/4/2008, 10:21 pm
